各位信徒大家好，歡迎收聽Thomas†Chennal第十八期：
本節目主要的受衆是恐龍教的信眾。當然，唔係恐龍教的信徒入來凑熱鬧，本電台亦是十分歡迎的。本節目逢星期日朝早10點鍾，都會不准時播出。呢個不准時的意思即係有可能早、有可能遲。不過應該唔會日期變更之後先播出，當然亦都係應該。但係錯過的朋友唔洗甘傷心，我地每逢節目完結之後，都會公開節目的廣播稿，大家可以透過呢D演講稿了解節目的内容，甚至追溯到之前幾期，重溫翻又得。
作爲2022年的第一次廣播，在此祝各位新年快樂。雖然隔一個月我地又要再講多次。甘廢話唔多講，今日我地就要講下新一年的節目安排。
不知不覺，Thomas†Chennal已經做左18期了。18依個數字可以話係即兇又吉，因爲18可以解十發，又可以解十八層地獄。所以特登係今期宣佈新的節目安排，一來係趕正新年新氣象，二來就係想借18依個數字的運，睇下可唔可以富貴險中求。
所謂的新節目安排就係聼者來信。我地廣播將係日後新增聼者來信欄目，以解答各位的疑問，深化電臺同各位聽衆的交流。而所有來信之後都會公開係chennal新開的文字頻道中。希望各位聼眾勇於來信發問，我地必然誠摯地解答各位的問題。
另一樣就係，似乎有D朋友聼唔到本電臺的第七期打後的廣播，依個原因係因爲兩個世界的對接出左小小問題，所以係無辦法的事。同時亦因爲兩個世界對接有問題，所以導致網絡傳輸除左問題，因此第七期打後的廣播稿亦都無傳輸失敗。更可悲的係，本電臺基於不備份原則，根本無備份電臺所有廣播稿，所以重新上載亦都係不可能的事。因此係對面世界的朋友，真係好抱歉，第七期打後的廣播你地應該係永遠都睇唔到了。
不過作爲節目主持人的我，都依稀記得部分節目内容，我記得我地講過一D恐龍的小故事啦，恐龍教的目前政治環境啦，恐龍的習性啦，恐龍教目前狀況的匯報等。
錯過左的朋友其實亦都唔洗太悲傷，因爲話唔定我地日後會返兜番依D話題來講。同埋新設的讀者來信欄目，都會重新帶起依D話題。所以對於消失的11期廣播，各位唔需要太過於遺憾。
好了雖然有D短，但今日的Thomas†Chennal都差唔多夠時間了，甘下周同一時間再見。讓我們下周與恐龍教同在。
係啦，唔記得左，各位如果要寫信來，地址請寫群青學院放送部Thomas†Chennal聽衆來信欄目收。另外亦都歡迎各位寄明信片，禮物包裹等表達支持。
好了，今日的Thomas†Chennal都差唔多夠時間了，甘下周同一時間再見。讓我們下周與恐龍教同在。
。。。
。。。
細聲：仲要介紹我地的系統呀。
細聲：唔記得左，算啦下次先啦。你要我再on99走翻去講多次？
細聲：我x你xx呀，你xxxxx左11x，家下又唔背稿又盛，翻去同我講x埋佢，鬼x叫你唔x記得呀。
錄音師：呵呵呵哈哈。
細聲漸大：x你xx你笑咩呀？仲錄緊？我錄你x
29th of Tebetu, 5782