今期我地會同大家講下恐龍教的絕學中的天蠶功。天蠶功本身係賢者獨有的絕學，基本上身爲恐龍教的賢者都會對依招深有領會。但由於天蠶功本身十分容易學會，某些天資聰敏的教徒只係稍稍聽到賢者的幾句描述，就領會到其中的奧妙，因此很快恐龍教徒就學識其中的表面架勢。

        偉大的大賢者睇到恐龍教徒核突的天蠶功而感到恥辱，因此決心將天蠶功的精髓傳授比恐龍教所有的教徒。但在此之前，天蠶功需要恐龍教徒研讀厚黑學來作爲天蠶功的内功心法，因此未深刻研讀厚黑學的聽衆朋友，請先研讀厚黑學及領悟其中的大智慧，然後先可以用天蠶功。否則，冒然亂用天蠶功，必然會走火入魔而導致頭破血流。

        天蠶功，初學者主要集中係個蠶字上來學習。蠶即係蠶食，一步一步，好似蠶吞食一般，慢慢地對目標進行軟化、弱化。再講得白小小，亦即係教徒核突的理解，即係用厚面皮去乞。乞依都係天蠶功的其中一路，但係乞最好少用。蠶吞食食物時，雖然人類會認爲佢地係度乞食，但事實上并非如此，蠶亦可以食得有尊嚴，亦即係用黑心做出損人損己的事來作爲談判籌碼，以此獲得擴張。

        天蠶功最常見的就係教徒將其用於職場上，用屢次犯規來軟化上司，使其習以為常。犯完錯後，厚著面皮被人閙完之後再犯，消磨上司的耐心。直到上司對你持放棄態度，某日你犯左錯，上司都只係搖搖頭，然後無講幾多也就掉頭走，咁樣就勝利了。

        但如果一開始要犯的錯係十分大的錯誤，咁就應該掉轉槍頭，先向一D小錯誤落手，等你上司習以爲常，認爲你就係咁樣的人。然後先逐步逐步來犯大錯，咁就可以迂迴實現軟化上司的目的，最後當依D大錯都可以任你犯的時候，D小錯你上司仲有咩聲出？佢地會晚晚向恐龍訴苦禱告，希望你聼日唔好犯大錯便心無所求。

        但當然，軟化的手段亦要有誠摯的道歉來平衡。如果犯左錯，甚至無犯錯，作爲下屬的你卻比上司無好面色睇，公然挑戰上司，咁你的死期亦不遠了。另外如果你公司裏面其他同事個個都工作能力高，亂用天蠶功可能會被炒，咁樣就要同你的上司立一個敵人，如直接挑撥D功高蓋主的職員公然挑戰上司。此時，你的犯錯就會變成佢地兩個人的潤滑劑，咁樣在展示你的天蠶功，就係一個最佳的選擇。

        以上的介紹，全部都係講天蠶功的最低級應用，之後我地會繼續介紹天蠶功的其他應用。

好了，今日的Fork†Chennal都差唔多夠時間了，甘下周同一時間再見。讓我們下周與恐龍教同在。

6th of Sivan, 5782