今日我地要續上期繼續講恐龍教的神話故事。

        上帝將三個創造出來的生物趕出研究院的300年之後。人類繁殖得十分快，迅速地取代左恐龍的日常工作。

        部落代理向上帝提出要求，想飛上天，以方便觀察人有否在田裏耕作。上帝就開始左佢係生物學上的最後一項研究——細胞造型。上帝經過20年的研究後，終於完成左，並製作出一種極其簡單的翅膀。恐龍插上翅膀，就可以飛了。因爲製作極其簡單，所以部落恐龍都學識左呢個技術。

        恐龍按照他們各自的階層分發翅膀，作爲階級象徵。普通的恐龍會得到兩隻；專業打獵的恐龍會得到四隻；生產管理的恐龍同專業的恐龍軍隊會得到六隻；火器隊的恐龍會得到八隻；火器隊隊長同軍隊隊長都會得到十隻；而擁有十二隻的，就係部落代理同其他貴族。

        上帝製造完翅膀後，就回到了研究院，並同當時的部落代理講，要佢地無咩事唔好揾佢。其後，上帝就開始了物理的研究。

        蛇被趕出研究院之後，一直對上地懷恨在心，一直想要報復上帝。佢離開左部落，去到現代化的恐龍都市。佢一開始生活十分凄涼，只能靠乞食或者靠自己的身材鑽入人地屋企偷野。後來佢加入左當地一個幫派——薩他那。佢憑藉自己的智慧，逐步蠶食，最後將薩他那完全控制，成爲左薩他那的首領。

        蛇用自己的智慧同不死的優勢，短短用左500年的時間就將薩他那發展成可匹敵霸王龍帝國的組織。霸王龍帝國中，有好多都係薩他那的人。其後又用左200年的時間完全控制左霸王龍帝國。

        蛇發展組織的途中，遇到莉莉絲。蛇將莉莉絲作爲激勵組織的工具。莉莉絲被現代化恐龍都市摧殘左幾百年，早就將賣弄肉體的事情當作家常便飯，而且仲十分享受。由於莉莉絲同蛇一樣仇視上帝，所以蛇十分寵愛莉莉絲，將莉莉絲視爲自己的心腹，莉莉絲就做左薩他那的二把手。

        蛇又陸陸續續籠絡唔少從部落中走出來的恐龍，佢見到每隻從部落中走出來的恐龍身上都有翅膀，自己也想有一對。然後佢就同當時世界上最出名的無良醫生會面，個無良醫生開出天價，幫佢移植翼龍的翅膀到蛇的身上。蛇十分狡猾，即刻比左重金，叫無良醫生去佢地頭幫手做移植。醫生見蛇對佢十分謙卑，放低戒備，走去幫佢做手術。

        殊不知，蛇早已叫了自己的所有黑市醫生一起通過cctv觀察整個手術。手術做完，蛇就借意殺左佢。之後，移植翼龍的翅膀成本就降低左。蛇又受果D從部落中出來的恐龍影響，用翅膀的多少來界定幫派内的階級。幫派内的恐龍紛紛移植翅膀，而果D從部落中出來的恐龍亦換上左翼龍的翅膀。蛇又移植左四肢，以爲咁樣自己都係恐龍了。

        一個霸王龍帝國的政治家無意中透露出龍造人計劃，後來經過薩他那的反復追查，蛇逐漸瞭解到整個計劃的全貌。佢憑藉高度智慧的判斷，認定上帝就係呢個計劃中的產物。其後，佢得到了一個消息，原來呢73個人，每個人都有一個名，只要叫佢地的名，就可以完全控制佢地。

        蛇覺得自己終於揾到報仇的方法，於是便打算支配霸王龍帝國，以此獲得當年龍造人計劃的資料。

        蛇將薩他那的一個十分忠心於佢的成員，用左150年，將佢捧成左霸王龍帝國的元首。而呢個成員就係部落中的路西法。

        路西法係薩他那中，部落恐龍的最高領導。而家，佢又係恐龍帝國的元首，相當於統治左整個世界。而至於龍造人計劃的資料，當然亦落入佢手中。但路西法無同蛇講佢得到左呢份資料，佢只係話宜家已經掌握左整個世界，報仇的事，易如反掌。

        經過路西法的一番游説底下，薩他那内部所有龍，都認爲必須鏟除上帝。於是，路西法架空左蛇，帶領全世界準備發動對恐龍部落的戰爭。

        經過短短一年的政治準備，全球都傾向發動呢場戰爭。終於係上帝999嵗生日的當日。部落代理米迦勒、加百利等一衆部落恐龍用硝化甘油炸開左研究院的大門，帶住上帝離開左部落。部落被霸王龍帝國完全占領。

        第九次帝國戰爭，後人稱為聖魔大戰，終於拉開左序幕。

好了，今日都夠時間了，有關恐龍教的神話就講到呢度。下周我地會接著講恐龍教神話。甘下周同一時間再見。讓我們下周與恐龍教同在。

20th of Tishrei, 5782