今日我地要繼續來講恐龍教的神話故事，即聖魔大戰。

        聖魔大戰的聖，指的係上帝，魔指的係薩他那。但呢個叫法只係我地甘講。事實上，當時主流社會，帝國派的講法係聖，指聖神的霸王龍帝國，而魔就係上帝帶領的恐龍部落。

        聖魔大戰一開始，上帝帶領殘餘的部落恐龍大逃亡。但因爲當時成個世界都係霸王龍帝國的勢力範圍，上帝唯有同恐龍一齊插上羽翼一直向上飛。然後佢地係平流層，用平流層的强風，快速地去到美洲。

        上帝一行係美洲的一個荒野降落，並同該地的三角龍一族同盟。上帝立即建立實驗室，開始研發武器。

        另一方面，薩他那占領上帝的研究室後，發現上帝已經唔係度了。蛇大發雷霆，係帝國發出通緝令。然後，遠離現代社會的並繁榮左幾百年的恐龍部落，就被一粒原子彈毀滅了。

        其後，帝國一直搜查上帝的行蹤，但一直都無消息。帝國的士兵普遍認爲上帝已死。但帝國之所以揾唔到上帝，係因爲上帝係三角龍部落中，設立左隱蔽結界。所以上帝的大本營到戰爭結束時，帝國都一直揾唔到。

        上帝創建實驗室後，因應一衆三角龍自告奮勇，上帝就做左反物質炸彈。一衆三角龍將反物質炸彈帶去帝國的重要城市引爆，將帝國的核心城市全部炸毀。蛇被逼同三角龍和談。佢地係今日的美國哥倫比亞簽訂和約，第一次聖魔大戰結束。

        蛇簽到合約後，一直進行秘密探尋上帝所在地的行動，佢打算用暗殺來解決問題。上帝洞悉蛇的陰謀，所以又迅速開發其他武器。

        終於係簽訂和約後的一個月，上帝帶領的三角龍同舊部落恐龍對帝國不宣而戰，突襲左蛇的參謀本部，一個位於大西洋中央的海上要塞。佢地用被稱爲净化之力的武器將海上要塞的有機物全部分解成無機物。

        於是帝國同美洲的聯係也隨之被中斷，三角龍趁機奪回美洲大陸。第二次聖魔大戰正式開始。

        三角龍通過無綫電廣播，電視宣傳，將三角龍一族聚集起來。然後係上帝未來得切阻止佢地的時候，三角龍一族就用净化之力將美洲大陸的幾個城市净化左，依幾個城市瞬間變成荒漠。

        上帝話比三角龍知，咁樣做係連食物都無埋。得知一切的三角龍表現出不畏死的精神同上帝講，要上帝毀滅帝國，幫佢地報仇。上帝見佢地如此驍勇，就做生命之水比佢地飲。於是一衆三角龍加入上帝陣營。

        帝國方面，由於擔心失去美洲大陸的問題太大而被蛇處死。所以一衆高級將領懇求路西法用不死之身去美洲重新建立聯係。路西法領命前往海上要塞。

        上帝得知路西法的前來，帶來舊部落的恐龍前往海上要塞迎戰。

        兩軍在海上要塞的上空相遇，立即進行激戰。但上帝方因爲擁有净化之力，便令路西法一眾畏懼退縮。路西法賭死冲向上帝，叫上帝的名字，然後擄走上帝。

        米迦勒同一衆部落長追擊，但因爲驚净化之力傷及上帝，所以只係普通地用物理方法攻擊。

        路西法問上帝點先可以逃離戰場，上帝話上太空。路西法向上45度，一路向前，打算以切綫方向切出地球。由於路西法一直向美洲大陸方向前進，一衆三角龍紛紛前來支援。最後終於係三角龍的幫助下成功將上帝救回。但路西法亦順利逃出，經太平洋返回歐亞非大陸。

        上帝被救回，但得知自己已被知道名字，所以回到實驗室，並臨時任命米迦勒為天使長，要米迦勒指揮之後的作戰。而自己就繼續研究可以結束戰爭的武器。

        米迦勒成爲天使長後，天使軍便正式成立。佢首先下令平定美洲大陸，要求各個城市繳交物質。然後奪取海上要塞，並放置重兵把守。

        路西法回國，報告蛇戰況。蛇下令全體薩他那受路西法調動，並任命路西法為討伐上帝的司令。佢自己就係後方保證後勤同臨戰支援。

        雙方係大西洋打左三年，期間帝國一直研發更强大的武器，最後終於研究出一顆足以毀滅美洲的炸彈。

        路西法軍的一名原部落恐龍倒戈叛逃，佢話比米迦勒知蛇係想將美洲整個炸毀的計劃。米迦勒派天使加百利去稟報上帝。

        上帝得知後，向米迦勒發出通知，用反物質炸彈對炸。呢場戰爭被後人稱爲三日戰爭，因爲戰鬥只持續作三日。三日之中，歐亞非大陸被炸得面目全非，但係蛇同路西法等一眾不死之身，雖然肉體被炸爛，但仍然有意識。而帝國亦用原子彈對射，米迦勒的美洲大陸亦係破爛同受污染。

        戰爭的最後一日，可以毀滅美洲大陸的反物質炸彈終於抵達今日美國的西雅圖。但不幸被上帝截獲。戰爭的最後，上帝召集仍然有行動力的恐龍。佢地聚集係美洲大陸的最東面，引爆左呢粒反物質炸彈。上帝靠炸彈釋放出來的能量進行空間跳躍，去到宇宙之初，創建天地萬物；然後佢又去到戰爭之後三百年，用大水將世界降溫，並讓諾亞等人避免當時的生物滅絕而建造方舟。

        最後佢去到宇宙盡頭，係宇宙盡頭連接左三個異空間，將路西法、蛇等恐龍的肉體放係其中一個異空間，自己同一衆部落恐龍入去另一個異空間。兩個異空間被稱之爲地獄同天堂。而最後的異空間就係被稱爲煉獄的異空間，上帝係宇宙的盡頭審判人，根據自己的判斷將人放入其中一個異空間當中。

好了，恐龍教的故事就講到呢度，甘下周同一時間再見。讓我們下周與恐龍教同在。

27th of Tishrei, 5782